ZOE XANGA COPY的:

每日返到公司　做做做做做做做　公司就是地獄 每日返到屋企　聽歌上網睇電視  屋企就是天堂

深圳之旅

約左 KAMMY,CHLOE同ZOE上深圳東門行街,唱Ｋ，DUM骨~ ．．我地去左國貿「錢柜」唱Ｋ．．．真係正到爆！成間酒店咁～好大同豪華，音響一流！質素同價錢都好抵過香港好多！有機會都想再去多次！

唱到八點半～去兩蚊店掃貨，我地依兩日去左差唔多有四間兩蚊店～我係嗰度買左三十幾蚊野！哈哈！之後打的食小肥羊．咩都比人叫灑．～

在乘車去DUM骨途中有個男人走左過黎～同我地講左一大堆大陸話～我諗佢既意思都係問我地攞錢～好彩個司機唔係同佢同一類人啫～冇理佢,一落車又有個女人走埋黎問我地攞錢！入到去又有個男人話「哇～四個妹妹仔去ｄｕｍ骨～」點解D大陸人咁架！

我地揀左兩個鐘泰式按摩！DUM完去休息室訓覺！我隔離個男人有個女服務生坐左佢身旁，勁親密，好似叫雞咁！之後又有另外兩個男人訓我隔離，頂！成日食煙同咳．！我聽到佢話依間野Ｄ接待服務生很差，都冇人服務佢地喎．．跟住Ｄ女服務生就話：「我搵Ｄ靚女黎陪你，唔好嬲啦！」，個男人就問：「你地究竟係服務Ｄ咩，係推廣定係其他服務呢？」，我心諗你一定係話嗰D服務啦！

半醒半睡下到第二日十點醒左！每人RMB168，去新星飲早荼！再行街，有個賣衫女人迫人買野！本身諗住走人，因為唔岩~佢就抓住我隻手唔比我走，仲話我地痴線！佢先有病呀！行多陣就返香港了~

依兩日最開心都係去「錢柜」唱Ｋ！我依家真係好想去菲律賓！阿爺話嗰到好靚同乾淨，D酒店又好住~消費又平，陽光與海灘！一流啊！希望黎緊有依個機會去見識下啦！

3/4

今日放工之後就出左太子同動物仔慶祝生日..我地成班人去左陪佢食斎~ 別有一番風味! 正! 等位途中見到..舒盈同阿芬.跟住嘉姐黎埋.佢地真係靚左好多!!

食完晚飯.左上次間吧飲野~ 唱左一首歌炸..因為好多人點歌! 點解你地玩大話"識"可以咁開心既?? 我真係對依家野冇咩興趣啊!

玩到差唔多1:00 散場 ~ 阿wing過黎接我過去嘉姐個生日party, 哇!! 入場費都要$198, 不過唔使我比..阿wing主動幫我比左..好豪啊!! 入到去..一半陌生, 一半熟悉既面孔. 多謝李琒陪我傾咁耐計...唉! 依d場合我真係應該唔出席..

可能我仲細..少黎依d場合..人地個個都玩得咁high...點解我會咁靜..點解!! 係唔係同佢地唔係咁熟..所以玩唔埋呀~~我同zoe chloe佢地都唔咁既!!

個party裏面有幾個靚仔! 同一個鬼仔~~ 我唔敢走過去..佢地個個開口埋口都係英文...痴線架! 你叫我講國語都還ok~~ 我同佢唔識溝通! 頓時覺得有d後悔當初點解唔好好學好英文呢!! 唉! 

唉~ 總之我唔去好過la~~ 好後悔..阿wing安慰我..話未當去見識下low~~ 但我又諗唔去仲可以比嘉姐d fd一個好d既印像~ 因為好多人話我同我嘉姐好唔似! 話我好靜..好唔開心呀~.話我靜..未即係話我唔玩得同悶low~~ .其實唔係架! 我好玩得架!~ 嗚!!... 點解我嗰時會咁架! 諗番起都覺得好魚爆!!

成功得到第二桶金 ~ 繼續加油!!